काठमाडौं ।
इन्डियन प्रिमियर लिग (आईपीएल) क्रिकेटमा दिल्ली क्यापिटल्सले लखनउ सुपर जायन्टसलाई हराएको छ ।गएराति भएको खेलमा दिल्लीले लखनउलाई ६ विकेटले हराएको हो ।लखनउले दिएको १४२ रनको लक्ष्य पछ्याएको दिल्लीले १७ ओभर १ बलमा ४ विकेट गुमाएर भेट्टायो । दिल्लीका समीर रिजवीले अविजित ७० रन बनाए । लखनउका प्रिन्स यादवले २ विकेट लिए । यसअघि लखनउमा टस हारेर ब्याटिङ गरेको घरेलु टोली १८ ओभर ४ बलमा १ सय ४१ रनमा अलआउट भयो । लखनउका अब्दुल समदले ३५ रन बनाए । दिल्लीका लुंगी न्गिडी र थांगारासु नटराजनले समान ३ विकेट लिए । आईपीएल क्रिकेटमा आज कोलकाता नाईट राइडर्स र सनराईज हैदरावादले खेल्दैछन् । यो खेल नेपाली समयअनुसार बेलुका पौने ८ बजे कोलकातामा हुनेछ ।