काठमाडौं ।
जापानमा भइरहेको २०औँ एशियाली खेलकुद मा नेपालले पदकको खाता खोलेको छ ।
कराते प्रतियोगितामा नेपालका तेन्जिङ शेर्पाले कास्य पदक हात पार्दै देशलाई पहिलो सफलता दिलाएका हुन् । तेन्जिङले पुरुष कुमिते ८४ किलोभन्दा माथिको तौल समूहमा नेपालको तर्फबाट यो ऐतिहासिक पदक दिलाएका हुन् । टोयाहाशी जिम्नेसियममा बुधबार भएको कास्य पदकका लागि भएको निर्णायक खेलमा शेर्पाले लाओसका खेलाडी वाथाना जायासनलाई ९(१ को फराकिलो अंक अन्तरले पराजित गरेका हुन् ।
त्यसअघि, सेमिफाइनल खेलमा भने तेन्जिङ इरानका बलिया प्रतिस्पर्धी महमुद नेमातीसँग ५(० ले पराजित भएका थिए । सेमिफाइनलको हारपछि शेर्पाले कास्य पदकका लागि प्रतिस्पर्धा गर्ने मौका पाएका थिए, त्यसमा उनले उत्कृष्ट पुनरागमन गर्दै सफलता हात पारेका हुन् ।